لو بتحاول تعمل Career Shift وبتبعت CV ومحدش بيرد… فالقصة دي ليك 👇 من زمان وأنا بحب الكمبيوتر، و أول سنة في كلية العلوم جبت امتياز في مواد البرمجة. لكن لما جيت أختار التخصص، اخترت الكيمياء بسبب ان “الفرص أكتر”. و القرار ده فضّل يطاردني سنين لان بأختصار اختارت حاجة انا مش شغوف بيها . اتخرّجت واشتغلت Medical Rep… كنت ناجح، بس مش مرتاح. قابلت صديق عرفّني على ITI، وقدّمت في تراك 3D Modeling. ذاكرت، طبّقت، عملت تصميمات، ولكن متقبلتش في ITI فبدأت أجرب الفريلانس على Fiverr… وجالي أول مشروع فعلًا و قبضت اول 12 دولار من اول يوم لكن بعدها؟ ولا شغلانة. اللابتوب ضعيف والإمكانيات محدودة، فمعرفتش أطور مستوى شغلي. قررت أجرّب مجالات تانية… اتعلمت Logo Design، خدت كورسات، اشتغلت على نفسي… وبرضه لقيت المجال مليان بأسعار ضعيفة قتلت السوق. بعدها دخلت Software Testing… ذاكرت من كورسات م/طارق رشدي Tarek Roshdy، نجحت في ISTQB FL، اشتغلت على Utest وبدأت أبني CV محترم. ورغم كل ده، ورغم إني كنت ببعت CV كتير… عملت 3 انترفيوهات فقط قلت أزود فرص أكتر… فاتعلمت Python وخدت كورس Days of Code 100، عشان أدعم نفسي في الأوتوميشن . ومع كل المحاولات… فضلت واقف في نفس النقطة. لحد ما بدأت أسأل نفسي: هو أنا بحب إيه فعلًا؟ وإيه نقطة القوة المشتركة بين كل المجالات دي؟ - بحب ال Math - بحب حل المشكلات - عندي لغة برمجة Python - عندي أساسيات Software Testing و خبره صغير فيه - فاهم كويس مجال الأدوية وتحليل المبيعات وقتها الصورة وضّحت… المجال اللي اقدر استخدم فيه كل المهارات دي هو تحليل البيانات – و المجال موجود في شركات الأدوية! أنا فاهم البزنس، وعندي شغف بالتكنولوجيا، وبحب التحليل… ولما أضيف عليهم مهارات الداتاو باقي المهارات ، هقدر أقدم قيمة مختلفة. الرحلة كانت طويلة… بس ولا خطوة منها كانت ضايعة. دي مش نهاية القصة. القصة لها بقية. ✨هل شايف إن الشغف أهم ولا الفرص المتاحة؟ رأيك يهمني. #CareerShift #LinkedInArabic #DataAnalysis #CareerJourney #ITCareers #DataAnalyst

I’m happy to share that I’ve obtained a new certification: IBM Data Analyst from IBM! I'm very close to achieving my goal! https://lnkd.in/dnmKMgwg

لو بتحاول تعمل Career Shift وبترسل CV ومحدش بيرد… فالقصة دي ليك 👇 لو عاوز الجزء الاول ف ممكن تشوفه من هنا https://surl.li/ltltik ◀️ بعد ما بدأت أفهم مسار تحليل البيانات، بدأت أذاكر التولز وأفهم كل واحدة بتستخدم إزاي… وازاي أقدر أربطها بكل خبرة مرّيت بيها قبل كده. تابعت كورسات Google، و IBM و غيرها… ولحد ما في يوم وصلت لفيديوهات البشمهندس Mohamed Abdelatty، واللي بصراحة كانت مختلفة. اتعلمت منه حاجة عمري ما لقيتها في كورس: - عقلية محلل البيانات… - إزاي تسأل السؤال الصح… - وإزاي تطلع معلومة تساعد فعلاً في اتخاذ قرار. كل ده وأنا شغال Medical Rep. كنت بصحى كل يوم قبل الشغل بـ 3 ساعات… أذاكر، أطبق، أعمل مشاريع بداتا وهمية من Kaggle وغيرها. لكن بدأت ألاحظ حاجة… الداتا دي مفيهاش مشاكل زي الحقيقة لان تنظيفها كان سهل زيادة عن اللزوم… رغم كده فضلت أكمل… أتعلم… وأحلل الداتا اللي بشتغل عليها. وفي يوم كنت بقرا في كتاب العادات السبع للأشخاص الأكثر فعالية، وتحديدًا عادة “كن مبادر”. الكتاب كان بيحكي عن ناس غيرت مجالها ونجحت لأنها بادرت وقدّمت قيمة قبل ما تطلب فرصة. و كأن الله بعت ليا "مفتاح الشفرة " . جهزت نفسي… وروحت كلمت مديرتي، وبعدها مدير مديرتي. عرضت إني أساعد في تحليل المبيعات. وتقبّلوا ده بصدر رحب… وبعتولي الداتا. وهنا كانت المفاجأة: ان الداتا كان تنظيفها اصعب بكتير جدا من داتا Kaggle. اشتغلت عليها، نظفت، حللت، وبنيت داشبورد كاملة… واكتشفت مشكلة كانت مأثرة على البيع وطرحت حل ليها. لما عرضت شغلي… مديري انبسط جدًا. وبعدها قعدت مع صاحب الشركة اللي كان منبهر بطريقة التفكير والتحليل. والحمد لله… بعد محاولات استمرت أكتر من ٤ سنين— اشتغلت أخيرًا كـ SFE & Sales Analyst. 🎉 🎉 ويمكن أكتر كلمة لخصت الرحلة دي… كانت جملة حد قالهالي: 🌟 Persistence Beats Resistance. حصلتلك قبل كده “نقطة تحول” غيرت كاريرك؟ كانت إيه؟ #CareerShift #DataAnalysis #Motivation #SuccessStory #PersistenceBeatsResistance #LinkedInArabic

I’m happy to share that I’ve obtained a new certification: Google Data Analytics from Google! https://lnkd.in/dEP9YB6n

لو حد حابب يدخل مجال Software Tesing بشمهندس طارق ممتاز في توصيل المعلومة